Race of Life

Jindgi ki raftaar ko main kabhi samaj hi nahi paya

Isilie shayad saath iske kabhi chal na paya

kabhi itna aage nikal jata hun ki

saaya bhi saath nahi de pata

kabhi itna piche reh jata hun ki

chillane par bhi meri aawaz iss tak nahi pahuchti.

Phir kabhi sochta hun kyun me hi koshish karu ise samajne ki

Kyun ye mujhe nahi samajti kabhi .

Kyun?

Rahi

 OO Rahi

kadmo ko aage bada jara

chehre pe muskurahat la jara

gamo ka daman chod ke

khusiyon se haath mila zara

mana ki jo hua hain

tune nahi tha chaha

lekin jahan me kiske

chahne se kuch hua hain

kismat se chod ladna

usko maan le tu

kahan tujhe hain jana

behtar hain jaan le tu

abhi se haar na tu

ladai aur bhi hain

jindgi ki raah main

kathinai aur bhi hain

abhi to jindgi ke

kuch hi rang he dekhe

inn karwato se jindgi ka

wasta bada hain

choti choti khushiyon ko

sametna shuru kar

bade dukh ko dhakna

aasan ye bada hain

aankon ko apni band kar

khwab naye dekh tu

khich nahi dor  ko

tamannnao ki patang uda zara

soch ki disha badal

koshish kar aur samhal

bhul ja atit ko

jeena ho jaye saral

chahto ko apni tu

armanon ke pankh laga

jeena aa jaega khud

bas tu ji Zara

Quiescent

Tammanna ne mere

Honton pe ungali

Rakh kar

Jaise hi kahan

Shhhhh………

Mere sare  Khwab

Thitak kar

reh gaye

Khamoshiyan yun mere

Labo par

Aa kar he

tehri

mere sare alfaz

 bhikar kar

 reh gaye

Socha tha sham se

Pehle ghar 

laut jaenge

Par in rasto me

Bhatak kar

Reh gaye

ye to nahi tha maine

chalna nahi chaha

par ye

 kambakht

pair  chipak kar

reh gaye.

.....